Даките (лат. “Daci”) – народ сроден со Траките, во стариот век населен во долниот Дунав, особено северно од реката, со нејасни и непостојани граници.

Македонците првпат во историјата сретнале слонови при походите на Александар Македонски и тоа во битката кај Гавгамела во 331 год. п.н.е.

Моштите на Великомаченицата Света Марина се наоѓаат во Манастирот “Св. Марина“ во областа Мала Преспа, токму меѓу Македонците и среде македонските села во Албанија. Таму сеуште се случуваат чуда над нејзините мошти.

Со Александриската библиотека е поврзан и прочуениот “Музеј”, кој бил во нејзин склоп, но тој името го добил буквално од 9-те Музи – штитенички и славенички на разни науки и културни сфери.

Последниот научник во Александриската библиотека била Хипатија меѓу сите учени мажи, единствената блескава жена - математичар, астроном,физичар и водач на неоплатонското филозофско учење.