Претходната година истото признание го доби амбасадорот на САД, Викторија Нуланд.

Признанието го доделува Министерството за надворешни работи на Белгија во соработка на списанието „Дипломатик Њус“, а за изборот е надлежен специјалниот дипломатскиот комитет што е составен од поранешни истакнати белгиски дипломати. Тие именуваат тројца амбасадори на годината, по еден од сите три дипломатски корпуси што се на служба во Брисел, а главен критериум се остварените активности во изминатата година.

Свеченото врачување на признанието, како што соопшти денеска Министерството за надворешни работи, е предвидено за 3 март 2008 година, кога во Брисел треба да се одржи прием на кој ќе присуствува белгискиот министер за надворешни работи, Карл Де Гихт и претставници од дипломатскиот кор.

Во рамки на приемот ќе биде организирана културна и економска презентација на Република Македонија.

18.02.2008