Починал во Скопје на 13 јуни 1993 година. Завршил учителска школа. Работел како уредник во редакцијата на „Детска радост“ при НИП „Нова Македонија“. Член на ДПМ од 1949 година.

Автор е на книгите Волшебното ливче (поема, 1950), Гатанки и прашанки со Ванчо Николески (1951), Белиот гостин (поема, 1952), Песни (1953), Каде е клучето (загатки, 1955), Вредна рака црта вака (сликовница во стихови, 1956), Ѓерданче (1956), Зајче без опавче (1957), Претпразнични вечери (1960), Страшно, пострашно и најстрашно, (1963), Ха-ха-ха и две-три ах (1964), Светулки над треви (1964), Тошо, Снешка и 101 смешка (хумористични песни, 1970), Згоди и незгоди (1972), Оро весело (поезија за предучилишна возраст, 1979), Оро широко (поезија за предучилишна возраст, 1984).

Добитник на наградите: „Младо поколење“, „13 Ноември“, „11 Октомври“.