Macedonium
Македониум.орг
Историја
Религија
Архитектура
Култура
Етимологија
Етнологија
Пропаганда
Новости
За Македонија
Македонизам
Анкета
Македониум прашува
Што сакате да читате на Македониум?






Вкупно гласови : 7606
резултати
Македониум музика
Благодарност до Синтезис и Bagi communications

Време
Времето во Д. Капија
Времето во Скопје
Времето во Битола
Календар на настани
Религија > Христијанство > Цркви и манастири во Македонија
Пештерна црква Св. Архангел Михаил - с. Радожда
Сподели на Facebook

Во еден од најубавите предели на западниот брег од Охридското Езеро, над село Радожда, во природните пештери што се наоѓаат една над друга, високо во карпите, била изградена пештерна црква посветена на Војсководителот на Небесните Сили -Архангелот Михаил.

Во целост денешниот архитектонски изглед на црквата го добила во XIV век, кога исто така е насликана со нов живопис.

Дел од откриените фрески, во припратата потекнуваат од XII век, и истите покажуваат дека помладите зографи, кои дошле стотина години подоцна да ја насликаат црквата, не го уништиле долниот слој на фреско - живописот и во основа ја почитувале старата тематика.

Би набројале само неколку композиции кои навистина го заслужуваат вниманието на научната јавност.

Композицијата “Чудото во Хона” со насликаниот извонреден лик на Архангелот Михаил - сцена која се вбројува меѓу најстарите претстави во ѕидното сликарство на целокупната христијанска уметност.

Покрај насликаните композиции од циклусот на Големите Празници и страдањата Христови би го напоменале новооткриениот лик на патронот и заштитникот на градот Охрид - Свети Климент.

Сликарството во оваа пештерна црква е едно од последните дела на охридската сликарска школа од XIV век. Во основа се задржани содржајните и иконографски рамки на претставите, но сепак се чувствува оддалечување од постарите дела на охридскиот сликарски круг. Насликаните ликови ја губат племенитоста на сликарската материја, ги напуштаат класичните облици, а композициите добиваат особености на растегната народна расприкажаност. Таквиот илустративен однос, од друга страна, го симнува религиозното сиже на фреските од височината на апстрактната богословска ученост и го приближува кон обичните луѓе.

Треба да се напомене дека пештерната црква посветена на Архангел Михаил го продолжила континуитетот на своето живеење од дамнина, па се до скорешно време, а за тоа сведочи и обновениот иконостас со чесниот крст кој потекнува од 1840 година. Крстот е со скромни ликовни вредности, но истиот е значаен поради покомплексното согледување на проучувањето на мијачката уметничка школа од XIX век.

Сподели на Facebook | << Назад | Најгоре

Овој наслов е прочитан 6103 пати
Просечна оцена од посетителите
 
Оцена:




 
Запиши
Коментар:

 

сабота, 20 октомври 2018
Моментно посетители: 90

Македонија низ фотографии

Галерии: 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16  (нова)
Дали знаевте дека...
 Играорки Јапонки во групата Билјана
--------------------------------
 Вампирите кај Македонците уште во XII век
--------------------------------
 Првиот златен медал на македонски фотографи
--------------------------------
 Австрија во чест на потомството од Мисирков
--------------------------------
 Агрономијата во Македонија од почетокот на XX век
--------------------------------
Дневни случувања
 Тауресиум ќе се презентира пред јавност
 Под македонското сонце во Прага
 Архитектурата од 4 до 6 век на виделина
 Ова не е Танец, ова е чудо од Македонија!
 Инаугуриран четвртиот македонски претседател

Македонски времеплов
Март
Април
Мај
Јуни
Јули
Август
Февруари
Септември
Октомври
Ноември
Јануари
Декември
 
Copyright Macedonium | © 2007-2008 Број на посетители: