Macedonium
Македониум.орг
Историја
Религија
Архитектура
Култура
Етимологија
Етнологија
Пропаганда
Новости
За Македонија
Македонизам
Анкета
Македониум прашува
Што сакате да читате на Македониум?






Вкупно гласови : 8828
резултати
Македониум музика
Благодарност до Синтезис и Bagi communications

Време
Времето во Д. Капија
Времето во Скопје
Времето во Битола
Календар на настани
Историја > Антика > Македонски градови и области
Баргала, с. Горни Козјак, штипско
Сподели на Facebook

На една блага падина во подножјето на планината Плачковица, во близина на Козјачка река и селото Козјак, откриени се остатоци од каструм град, датиран во раниот IV век.

Овие урнатини науката ги поврзува со градот Баргала, за чие постоење говори откриената плоча од 371 година, со латински натпис што содржи информација за градењето на градска порта во Баргала од страна на Антониј Алипиј, управник на провинцијата.
Пронајдените остатоци откриваат постоење на силно правоаголно обѕидие, со површина 280х185/150м. (4,7ха) и ориентација северозапад-југоисток. Големите и цврсти камени ѕидови, со широчина 2,30 метри, биле зајакнати со 20 четвртести кули, а во внатрешноста имало простории во кои биле сместени војниците и коњите. Главниот двоен влез се наоѓал речиси на средината на западниот бедем.
Постоењето на оваа воена утврда, како и онаа на 6 километри од неа, откриена во селото Крупиште, науката ги поврзува со непријателствата помеѓу Константин I и Ликиниј. Но, по повлекувањето на војската, логорот бил населен од цивилно население така што кон крајот на IV век, Баргала бил цивилен град, сознание што се потврдува и со натписот од пронајдената плоча во урнатините на турскиот ан кај с. Карбинци, 10км североисточно од Штип.
Градот Баргала набргу израснал во моќен центар по средниот тек на реката Брегалница и станал епископско седиште. Во неговиот северозападен дел е откриена Епископската базилика, подигната кон крајот на IV век, а обновена, односно преѕидувана и ремоделирана, во V-VI век. Таа претставува објект изграден по стандардниот тип на старохристијански градби од Балканскиот Полуостров и Медитеранот. Од архитектонска гледна точка е трикорабна базилика со полукружна апсида однатре и однадвор и со внатрешен нартекс и егзонартекс. Од внатрешноста на базиликата, особено впечатливи се подовите обложени со камени плочи, освен северниот, што бил решен со полихромен мозаик. Како најубав се издвојува подот од презвитариумот, што бил обложен со бели и сиви плочи во опус сецтиле.
На еден капител на влезниот трибелон во ексонартексот пронајден е натписот: “Христе, помогни му на твојот роб, епископот Хермија”. Споменатиот епископ и епископите Филип и Евстатиј од двете епископски базилики во Стоби, се обележани како ктитори на базиликите.
Комплексот на Епископската базилика во себе ги опфаќал и епископската резиденција, градската писцина и станбениот комплекс со широк трем и колонада.
Во близина на градските бедеми на Баргала, западно од нив, во 1984 година е откриен еден старохристијански објект од крајот на IV век. Тоа е еkстра мурос базилика, трикорабна, со издадена апсида, со нартекс и егзонартекс и со под обложен со камени плочи кои биле луксузно орнаментирани.
Покрај јужниот бедем и југоисточната кула, надвор од границите на овој локалитет, се наоѓа средновековната црква Св. Ѓорѓи, околу која е откриена и некропола.

Сподели на Facebook | << Назад | Најгоре

Овој наслов е прочитан 7185 пати
Просечна оцена од посетителите
 3 од 5
Оцена:




 
Запиши
Коментар:

 

петок, 29 март 2024
Моментно посетители: 38

Македонија низ фотографии

Галерии: 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16  (нова)
Дали знаевте дека...
 Македонците и чамците
--------------------------------
 Поимот лептерно (лефтерно – лесно)
--------------------------------
 Докажувањето на младите Македонци од антиката
--------------------------------
 Св. Васа Солунска
--------------------------------
 Најголема археолошка акција со светот
--------------------------------
Дневни случувања
 Тауресиум ќе се презентира пред јавност
 Под македонското сонце во Прага
 Архитектурата од 4 до 6 век на виделина
 Ова не е Танец, ова е чудо од Македонија!
 Инаугуриран четвртиот македонски претседател

Македонски времеплов
Март
Април
Мај
Јуни
Јули
Август
Февруари
Септември
Октомври
Ноември
Јануари
Декември
 
Copyright Macedonium | © 2007-2008 Број на посетители: