Преку конституциониот младотурски режим во Турција станува предводник на народното движење во Леринско, ориентирано кон санданистите. Како таков Ѕоле станува првенствена цел на врховистите, кои што имаат злочеста мисија – да ги компромитираат младотурците пред македонскиот народ и направат јаз меѓу нив и народот како би влегла на сцена бугарската пропагандно-експанзионистичка политика (помош од Болгарите -“братскиот народ“ !).Токму против ова се бори Ѕоле и санданистите кои ги увидоа предностите од новиот парламентарен живот. Почнаа да издејствуваат закони и државни решенија кои се повеќе на Македонија и македонскиот народ му ги кинеа ропските синџири и го водеа кон автономија.
Ha еден митинг во Лерин, на 31 декември 1909 год. Ѕоле рекол:
“Б р а ќ а,
Треба да работиме за конституционализам, во тоа со Турците ние на дело да се побратимиме, за да ја завардиме територијалната целина на Македонија. Тој е нашиот спас. Инаку ние стануваме објект за освојување од надворешни грабачи, кои што бараат богатство во нашата богата земја — Македонија".
|