Но подоцна заради честите војни овој ритуал е правен и пред секоја битка.

Најподробен опис на овој чин дале Куртиј Руф ( X, 9, 11-12) по смртта на Александар во 323 год.п.н.е и во 182 год.п.н.е Т. Ливиј (XL, 6), но описи на овој чин даваат и други антички автори.

Овој ритуален чин на Македонците е од најстарите денови под првите свои државни творби и војски.Ритуалот се изведувал пред тргање во битка и со него се вршело очистување од лошите духови кои носеле несреќа и заштита од заштитните духови кои носеле победа и среќа.

Обредот на лустрација досега е посведочен само кај Македонците и Хетите и кај ниеден друг антички народ. Но само кај Македонците и кај ниеден друг народ е изразен преку војничкиот карактер на божицата Ма која е со придружник – куче.

Имено токму кучето е жртвата при овој ритуал како врска со богот на војната.Кучето-жртва (sacrificia canina) е сечено на две половина кои се раздалечувани една на еден крај а другата на друг паралелен крај. Потоа тргнувал прв кралот а по него целата македонска војска, ритуално поминувале низ просторот помеѓу двете исечени кучешки половини.Со ова се сметала македонската војска прочистена и спремна за битки.