Особено затоа што две години и префрла на Владата дека преговорите биле непродуктивни. Црвенковски е пред голем предизвик. Или ќе се врати од Њујорк со решение за името и ќе биде победник. Или ќе дојде со празни зборови и оправдување докажувајки уште еднаш дека е празнозборен, демагошки остаток од комунизмот

- Нема промена на позицијата од претходните средби. Нашиот став е јасен и чист како солза и сите го знеме добро напамет. Многу пати сме разговарале и сме ги повториле нашите позиции што точно знаеме кои се позициите на Црвенковски, а и тој ги знае нашите. Буквално, во било колку часот да не разбудите ќе ви кажеме што сака едниот, а што другиот. Затоа немаше потреба од повторна средба. Вака вчера премиерот Никола Груевски ја образложи причината зошто не дојде до повторна средба на државно-владиниот врв во врска со спорот со името со Грција пред заминувањето на Претседателот Бранко Црвенковски на 63. Генерално Собрание на ОН во Њујорк.

Тој смета дека шефот на државата во Њујорк ќе има можност да дојде до одредено решение кое подоцна би било разгледувано. Груевски потврдува дека и министерот за надворешни работи Антонио Милошоски ќе патува во Њујорк, не можејќи да каже дали шефот на дипломатијата е оптимист по последната средба со неговата грчка колешка Дора Бакојани.
- Во Њујорк ќе бидат сите со цел да се дојде до некакви идеи кои би го придвижиле процесот или би го решиле. Патува и Милошоски за да му биде од испомош на Црвенковски. Ќе присуствуваат и грчки претставници, Кондолиза Рајс, Ден Фрид, Метју Нимиц. Доколку има напредок, ние се подготвенио да го разгледаме и да го прифатиме. Црвенковски е таму два дена како шеф на делегацијата. Се уште немаме контакт дали има напредок во тие разговори. Доколку имаме некаква информација би можеле да изградиме поконкретен став. Ние сме во исчекување за што Црвенковски ќе разговара, а можеби и ќе издејствува нешто кое подоца ќе го понуди како решение на проблемот со името, а со тоа и за многу други прашања, изјави Груевски.

Инаку, Дора Бакојани ја предводи грчката делегацијаво Њујорк, а македонската ја предводи претседателот Црвенковски. Бидејќи ќе се преговара на ниво на шефови на делегации, тој има историска шанса да го реши спорот со името онака како што тоа го бара од другите.
По преговорите на Бакојани и Милошоски во Париз пред три дена се шпекулира дека шефицата на грчката дипломатија настапила со позиција во делот на нацијата и јазикот да стои македонски испишано на латиница без превод на англиски. Милошоски ова го отфрлил како неприфатливо.

Црвенковски на средби со Буш и Клинтон
Претседателот Црвенковски ќе се обрати на Генералното собрание, а ќе учествува и на отворањето на состанокот на високо ниво посветен на милениумските развојни цели.
Потоа тој ќе присуствува и на приемот што по повод 63. Генерално собрание на ОН го приредува претседателот на САД, Џорџ Буш, како и на појадокот што по истиот повод го приредува генералниот секретар на ОН, Бан Ки Мун во чест на шефовите на држави и влади.
На покана на поранешниот американски претседател, Бил Клинтон, Шефот на државата ќе учествува на четвртиот годишен состанок на Клинтон глобална иницијатива.

(Г.Ма)