Господине,

Во писмото СС Бр. 106 Ви јавив, дека му се обратив на Друштвото Св.Сава, со молба, да тоа Ви пружи средства за доаѓање на пријавените ученици за учење оваму. Друштвото ми предаде и јас Ви праќам 300 дин. во злато и железничка карта за шест ученици, Тие се :

Димитрија Миновиќ,
Иван Трифуновиќ,
Андреја Ристиќ,
Михаил Јовановиќ,
Нако Силеновиќ и
Д. Колевиќ.

За оние кои се во Солун, молам веднаш да пратете трошоци преку г. Апостоловиќ, кој преку Никодим Савиќ (ова треба да му се напомене на г. Апостоловиќ) ќе ги најде и упати во Скопје. Веќе спрема картите гледате, дека мораат сите заедно да одат.

Ако г. Лазар Дума, професор, од Битола, Ви го прати ученикот Михаил Питовиќ, повелете одма ваму да ни јавете, за да и за него Ви се прати трошок и карта. 

На сите овие ученици до почетокот на училиштето Друштвото Св.Сава ќе дава помош.
Ве молам, повелете да одговорете за прием на овие пари и пратете ми /Ваша/ признаница.

Со одлична почит
Зар. Р. Поповиќ

Министерство за просвета и црквени дела

СС бр. 108
12 јули 1888. година
во Белград

(Извори – Архив Србије, МИД ППО ф. III, 109/1888; Архив Србије, МИД ППО ф. III, 115, 134 и 135/1888; Архив Србије, МИД ППО ф. III, 143, 170,180 и 189/1888; Архив Србије, Друштво Св.Сава бр.218/1889. година; Граѓа за историјата на македонскиот народ од Архивот на Србија, том IV, книга III [1888-1889], Белград 1987 год, стр.172)

Од писмото се наметнуваат следните факти :

1. Началникот на Министерството за просвета на Србија го известува српскиот вицеконзул во Скопје за обезбедените средства и начинот на превоз за учениците Македонци до училиштата во Србија.

2. Покрај Македонците од местата под надлежност на конзулатот во Скопје, се наведуваат и други ученици од Солун и тамошниот српски конзул но и оној од Битола, како и лицата кои учествуваат во целата операција.

3. Од писмото се гледа делувањето на српскиот пропаганден механизам во Македонија од конзули, црквени друштва (Св.Сава), учители но и српски Министри и нивни владини пари.