Починал во родниот град на 23 септември 1984 година. Основно образование завршил во Скадар (Албанија), гимназија во Битола. Студирал на Правниот факултет во Белград, но поради војната ги прекинал студиите. Бил директор на Радио Скопје и уредник на списанијата „Нов ден“, „Современост“ и „Разгледи“. Работел во дипломатска служба (амбасадор во Либан, Етиопија и Полска) и бил член на Претседателството на СРМ. Член на ДПМ од 1946 година.

Автор е на книгите: Ѓурѓина алова (раскази, 1950), Бранувања (раскази, 1953), Она што беше небо (роман, 1958), Војната, луѓе, војната (роман, 1967), Разбој (роман, 1969), Разгледи (статии, коментари, полемики, 1976), Кажувања (раскази, 1976), Записи на Езерко Дримски (роман, 1980), Јазли (роман, 1990). Го напишал сценариото за првиот македонски филм Фросина.

Добитник на наградите: „11 Октомври“, „4 Јули“, „АВНОЈ“, за книжевен опус на издавачкото претпријатие „Мисла“, „Рациново признание“.