Овие етнички Македонци малку се изучуваат во денешната историографија од аспект на нивната поврзаност со древномакедонскиот ген.

Дури и најпознатиот претставник на оваа династија, Василиј II Македонски, во нашата историографија, е изучуван во негативен контекст како "уништувач" на Самуиловото царство.

Сепак, откако го освоил Самуиловото царство, Василиј II коректно се однесувал кон македонското население. Тој му ги оставил привилегиите на свештенството од Охридската архиепископија, па дури во негово време за архиепископ е поставен дебарскиот игумен Јован. Некои од Самуиловите великодостојници го задржале својот статус, иако пред тоа се бореле против Василиј II.

За недоволното изучување на овие етнички Македонци во нашата историографија е и фактот што тие сепак живееле надвор од територијата на етничка Македонија и владееле со туѓа држава (Византија).

Всушност, случајот со нив е ист како и со Македонците Птолемеи, кои владееле со Египет, како и Македонците Селевкиди, со источното Средоземје.

Сосема ист е случајот со владеењето на македонската династија во Византија.

Како илустрација за нивното македонско потекло ќе наведеме цитат од енциклопедијата "Енкарта" (цит. дело, наслов Басил I), каде во врска со потеклото на Василиј Први стои:

"Василиј I (812-886), византиски император (867-886) и основач на македонската династија. Роден е во Македонија и потекнувал од селанско семејство (...)".

Во познатата "Комптон енциклопедија" за востановувањето на македонската династија во Византија читаме:

"Со крунисувањето на Васил Први Македонски во 867 г. била востановена долгата династија македонски цареви" (Compton's Encyclopedia Online v3.0 © 1998 The Learning Company, Inc.).

Bo Католичката енциклопедија (1908) стои дека припадниците на оваа династија се од Ерменија, но и од македонско етничко потекло. ("The Catholic Encyclopedia, Volume III", Copyright © 1908 by Robert Appleton Company, Online Edition Copyright © 1999 by Kevin Knight Nihil Obstat, November 1, 1908. Remy Lafort, S.T.D)