СВ. БОГОРОДИЦА ПРЕЧИСТА, ВАРОШ, ПРИЛЕП

Црквата Св. Богородица Пречиста во прилепскиот Варош, според еден извор, била подигната во 1416 или 1438, значи во XV век, од страна на Павле и Радослав, синови на Теодор.


Таа е еднокорабна црква, повисока од стандардните од овој тип, подигната од кршен камен и два реда тули во нејзиниот горен дел, и со апсида полукружна, однадвор и однатре. Во внатрешноста на црквата, во нејзината апсида, сочувани се претставите на света Богородица Ширшаја со малиот Исус Христос на градите, а под неа, композицијата “Великиот вход”. Тие се изработени од талентиран зограф,кој умешно владеел со својот занает, при што создал дела со прецизен цртеж и впечатлив колорит. Сигнатурите се напишани на старословенски јазик.