- Област на крајниот ј/и дел од Балканскиот полуостров. Се простира меѓу р. Места и изворишниот дел на р. Арда на запад и Босфор на исток од североисточните Родопи, Браница (856 м) и Истранџа пл. (1031 м) на север и Егејско море – Дарданели – Мраморно море на југ.
- Се протега на правецот : запад-исток околу 358 км., на правецот: север-југ најширока е во централниот дел : околу 142 км. а во пределот на Цариград ( Истамбул ) околу 27 км.
- Најголемиот дел од Тракија денес и припаѓа на Турција ( 23 623 км2), помал дел на Грција ( 8534 км2) а најмал на Бугарија .
- Тракија се дели на – Источна и Западна Тракија. Источна Тракија го зафаќа Европскиот дел на Турција а Западна Тракија делот на североисточна Грција помеѓу р. Места и р. Марица и Грчко-Бугарската граница.
- Во Бугарија Тракија ги зафаќа главно јужните ограноци на Североисточните и Југоисточните Родопи јужно од р. Арда.
- Рељеф – Тракија е претежна низина, со ниски на места и средни планини, ја чинат јужните oграноци на Североисточните и Југоисточните Родопи во Бугарија а делумно и во Грција , кои во реонот на пристаништето Александропулос се спуштаат до самото море.
- Во с/и Турски дел од Тракија, се простира Истранџа пл., а долж западниот брег од Мраморното море ниската пл. Текирдаг ( 945 м.)
- Морските брегови се воглавно ниски, со исклучок на помали одсеци во Грција и долж Мраморното море , каде планинското земјиште паѓа стрмно во морето. Најголем залив е Сароски.
- Речната мрежа е густа . Најголеми реки се - р. Места, р. Марица, р. Тунџа и р. Ергене.
- Клима – во приморјето и речните долини климата е Средоземна, а во планинските предели умерено континентална . Средна температура од најладниот месец ( јануари) изнесува 4 C – 5 C степени а најтоплиот (јули ) 25 C - 26 C степени, со годишни падови на дожд од 500- 600 мм.
- Земјоделството е главна производствена гранка со одгледување на житарици, некогаш тутун а денес и други современи агро-култури.
- Сообраќајот е усмерен претежно на правецот запад – исток заради поволната географска позиција на Тракија на приодите од ј/и Европа во Азија и од Егејско во Црно море.
- Низ Тракија минат главните комуникации (железнички пруги и автопати ) кои водат на правецот : Моравска долина – р. Марица – Истамбул – Мала Азија, како и комуникациите на правецот : Моравска долина – Вардарска долина – Солун – Истамбул – Анкара.
На правецот север – југ најважните патишта водат на правецот по долината на долниот тек од р. Марица кадешто Тракија се приближува кон Азиското копно во Дараданелите на само 0,7 нм и Босфор на 0,39 нм, па од нејзината територија стратегиски е многу погодна за контрола на важните пловни патишта кои водат од Егејско во Црно море.
- Жителите на Тракија се главно Тракијци, Турци, Грци, Бугари и др. Најголеми градови во Источна Тракија ( Турција ) се – Истамбул и Едрене а во западна Тракија ( Грција) – Александропулос, Комотини и Ксанти.