На видео арт фестивалот "One minute Festival", кој се одржува во Бразил, Кристина Божурска освои прво место во категоријата "nano minute", за видео од десет секунди, со краткото филмче "How I become the...". Фестивалот постои од 1991 година, а од 2007 година станува интернационален и достапен за сите откако овозможи електронско аплицирање. На фестивалот ги има и категориите: анимација и слободна тема.

Инаку, Кристина Божурска, годинава, како студент на генерацијата, дипломира сликарство на Факултетот за ликовна уметност во Скопје во класата на Антони Мазневски, а има учествувано на повеќе групни изложби и проекти во земјата и странство. Живее и работи во Куманово. Нејзиниот "How I become the..." беше презентиран и на изложбата "Кумановски ликовни уметници 2008".